Ons Liefdesverhaal

In 2022 het ons paaie die eerste keer gekruis tydens die Atlete vir Christus uitreik. Ironies genoeg het ons by die eerste ken-mekaar-kamp glad nie eers met mekaar gepraat nie. Maar die Maandag daarna het ons onverwags in dieselfde klas beland, en 'n kaalvoet-Gerrit wat saam koshuis toe stap was die begin van 'n storie wat ons nooit sou kon beplan nie.

Van toe af was dit asof ons mekaar oral raakgeloop het – in die klas, by die kerk en by Gerrit se beplande koffie dates - min wetende dat Elizna nie eers koffie drink nie. Die "vinnige studiebreuke" het al hoe langer geword, die stappies al hoe verder, en die gesprekke al hoe dieper.

Op 1 Augustus 2022 het ons begin uitgaan. Saam het ons die uitdagings van ingenieurswese aangepak, oorwinnings gevier, drome gebou en mekaar deur elke seisoen ondersteun.

Vier jaar later is ons nog steeds beste vriende en gunsteling stapmaatjies - dankbaar vir God se leiding vir elke stap van die reis, en vir 'n liefde wat elke dag sterker word.

Nou verruil ons klasroosters vir 'n troudatum, en begin ons die grootste avontuur nog. Dit sal vir ons 'n voorreg wees om hierdie spesiale dag saam met julle te vier.